വിദേശത്ത് പോകാൻ പ്ലാൻ ചെയ്യുന്ന കുട്ടികൾ അറിയേണ്ട ഏഴ് ചതിക്കുഴികൾ - 2026
വിദേശത്ത് പോകാൻ പ്ലാൻ ചെയ്യുന്ന കുട്ടികൾ അറിയേണ്ട ഏഴ് ചതിക്കുഴികൾ വിദേശത്ത് പോകാൻ പ്ലാൻ ചെയ്യുന്ന കുട്ടികൾ അറിയേണ്ട ഏഴ് ചതിക്കുഴികൾ - ഏജന്റുമാർ പറയാത്ത സത്യങ്ങൾ എന്റെ അനുജന്റെ കൂട്ടുകാരൻ അരുൺ. പ്ലസ് ടുവിന് അമ്പത്തിയെട്ട് ശതമാനം മാർക്ക്. നാട്ടിൽ ഡിഗ്രിക്ക് ചേർന്നു, പക്ഷെ രണ്ടാം വർഷം നിർത്തി. വീട്ടിൽ ദിവസവും വഴക്ക്. അമ്മ പറയും നീ എന്തിനും കൊള്ളാത്തവനാണ് എന്ന്. അച്ഛൻ പറയും നാട്ടിൽ ഒരു ജോലി കിട്ടില്ല എന്ന്. അവസാനം അരുൺ ഒരു തീരുമാനമെടുത്തു, വിദേശത്ത് പോകണം. ഒരു ഏജൻസിയെ കണ്ടു. അവർ പറഞ്ഞു, പരീക്ഷ ഒന്നും വേണ്ട, മൂന്ന് മാസത്തിനുള്ളിൽ യുകെയിൽ പോകാം, എട്ട് ലക്ഷം മതി. കേൾക്കാൻ എന്ത് രസമാണ്. വീട് പണയം വെച്ച് പണം കൊടുത്തു. മൂന്ന് മാസം കഴിഞ്ഞ് വിസ റിജക്ട് ആയി എന്ന് ഏജൻസി പറഞ്ഞു. പണം തിരിച്ചു ചോദിച്ചപ്പോൾ അവർ ഓഫീസ് പൂട്ടി പോയി. ഇന്ന് അരുൺ നാട്ടിൽ തിരിച്ചെത്തി, എട്ട് ലക്ഷം നഷ്ടം, രണ്ട് വർഷം നഷ്ടം, ആത്മവിശ്വാസം നഷ്ടം. ഇത് അരുണിന്റെ മാത്രം കഥയല്ല, കേരളത്തിൽ ഓരോ വർഷവും മൂവായിരത്തിലധികം കുട്ടികളുടെ കഥയാണ്. പഠിക്കാൻ മടിയുള്ള കുട്ടികൾ, മാർക്ക് കുറഞ്ഞ കുട്ടികൾ, പഠനം പാതി വഴിയിൽ നിർത്തിയ കുട്ടികൾ വി...